Mòbiles de istile rùsticu

S'usàntzia de s'intàlliu at tramudadu a manera sìnchera in su primu deghènniu de su de XX sèculos in àteros arredos de linna, mesas, curnisas, arredos cumpletos torrados a interpretare a manera "rùstica" sarda (famados, pro sa calidade de su traballu, cussos de sa Dita Frades Clemente de Tàtari).In prus sas matonellas de tzeràmica las bendiant cun sa curnisa de linna.
S'usàntzia de s'intàlliu at tramudadu a manera sìnchera in su primu deghènniu de su de XX sèculos in àteros arredos de linna, mesas, curnisas, arredos cumpletos torrados a interpretare a manera "rùstica" sarda (famados, pro sa calidade de su traballu, cussos de sa Dita Frades Clemente de Tàtari).
In prus sas matonellas de tzeràmica de artistas che a Federicu Melis, Nino Siglienti, Edina Altara las cummertzializaiant paris a sa curnisa de linna "sarda tradizionale", fata pro su prus dae sa butega Cau de Casteddu. De custas curnisas, belle semper tintas de nieddu, medas presentant motivos leados dae sas càssias traditzionales. A pustis de sa de duas gherras mundiales b'at àpidu un'abrandada de interessu pro sa càssia sarda (vìtima fintzas issa de su refudu isparghinadu de su folclore), cumportamentu chi at favorèssidu sa rechesta ampra de custu manufatu pro parte de impitadores turìsticos noos. Custa, a s'ispissu, l'at partzida e ispàrghida, e at intregadu sa parte intalliada de sa càssia che isportellu de sa ghenna, che anta de armàdiu, pannellu pro tutare su termosifone o che mòbile-bar cun ribalta a dae in antis (esempros chi si podent agatare in Costa Smeralda). Variantes de unu tzertu interessu de sa càssia, torrada a pensare in sos annos Chimbanta, sunt cussas chi nos at lassadu s'artista designer Melkiorre Melis, cun sa mustra pintada a colores imitende si tessìngiu, e s'architetu Ubaldo Badas, chi nde proponet unu modellu cun sos pees illonghiados, modellados a sa moda de su pustisgherra, e cun disignos a rilievu e intàlliu a dae in antis; in unu segundu modellu de Badas si ponet in logu de mustra, chi una borta fiat intalliada, su tessìngiu cun disignos traditzionales.Est un'insertada istravanada chi, ismenguende su gastu de produtzione, bortat su meledu subra s'assimìgiu intre tessìngios e intàllios. Eugèniu Tavolara, in sos annos Chimbanta, at propostu tageris cun a un'ala motivos intalliados, torrende a bogare a pìgiu cun s'impreu de formas e motivos sa presèntzia de sas pintaderas.

Aggiornamento

11/5/2023 - 16:43