Sa càssia lussurgesa

Unu modellu prus pagu arcàicu de càssia sarda est cussu chi benit dae Santu Lussùrgiu, bidda de su Montiferru, intre Macumere e Aristanis, dae su cale leat su nùmene. Sa tipologia lussurgesa est isvilupada mescamente in longu, e in custu a lestru si podet acostagiare a su modellu de su cassone de coja toscanu.

Unu modellu prus pagu arcàicu de càssia sarda est cussu chi benit dae Santu Lussùrgiu, bidda de su Montiferru, intre Macumere e Aristanis, dae su cale leat su nùmene. Sa tipologia lussurgesa est isvilupada mescamente in longu, e in custu a lestru si podet acostagiare a su modellu de su cassone de coja toscanu. Custa, fata pro su prus in linna de castàngiu, presentat pagu prus o mancu una curnisa posta a fùrriu de sa mustra chi est sena ondraduras; curnisa poderada dae una base inferiore marcada e chi essit a foras, intalliada de su totu. S'idea cumplessiva est de unu festone fitomorfu, intalliadu a tìpidu, sinnende sos òrulos de in antis de su mòbile. Fintzas custa chi s'aberit a ribalta, si trataiat cun sàmbene de capra o de boe impitados comente mordente in sa linna a manera simigiante a cussa barbaritzina. Comente custa ùrtima s'arrimaiat subra cabaddetes ma sos pees podiant èssere de paritzas formas, fintzas a nch' imitare sos modellos clàssicos, comente sa branca de leone. In sa càssia lussurgesa sa fantasia de sos motivos de intàlliu, prus lìberos de cussos barbaritzinos, est totu sortida in sa curnisa : est inoghe chi si podent agatare elementos de ispantu comente pro esempru unu modellu de su Setighentos costoidu dae privados in Iscanu Montiferru, duas figuras de sirena (s'assimìgiu est galu cun su cassone toscanu, in sa rielaboratzione de su tema antropomorfu de sa "grottesca". Si podent acostagiare a su modellu lussurgesu, pro su prus de sa morfologia, sas càssias fatas in Olìana moende dae su perìodu connotu comente gesuìticu (prima metade de su Setighentos).
In custu casu sa mustra est decorada cun unu motivu tzirculare a rosone e chi s'ispirat a su disinnu de s'òstia cunsagrada. Sa tintura de sa càssia gesuìtica est de colore ruju matone e perunu de sos motivos geomètricos chi si podent agatare sighint cussos arcàicos traditzionales, sende chi nde mantèngiant un'àera generale.

Aggiornamento

11/5/2023 - 16:43