Su teatru contemporàneu

Est printzipiende dae sa fine de sos annos 50 chi inghitzat s'apentu teatrale de como, in chirca de una drammaturgia sarda noa, torrende a apretziare sa sienda de s'identidade culturale. In Casteddu e in Tàtari fiant ativos paritzos grupos e cooperativas teatrales: una de sas realidades de prus importu e fundamentu in sa cultura e in s'identidade e de su teatru.
Est printzipiende dae sa fine de sos annos chimbanta chi inghitzat s'apentu teatrale de como, chi est in chirca de una drammaturgia sarda noa, torrende a apretziare sa sienda de s'identidade culturale.

In Casteddu fiant ativos custos grupos e cooperativas teatrales chi sighint: primos su "Centro Universitario Teatrale", in su 1959 (in su 1969, "Centro di Iniziativa Teatrale" e, in su 1973, "Cooperativa Teatro di Sardegna"), paris cun su "Teatro Studio" in su 1967 (in su 1971 partzidu in "I Compagni di Scena", "Collettivo dell'Arte e della Cultura" e, in su 1972, in "Teatro Laboratorio di Alkestis"); posca, "Domus de Janas Teatro", in su 1975, "Teatro Laboratorio Akròama" e sa "Cooperativa Teatro Olata", in su 1977; a pustis fiant bènnidas sa "Cooperativa Fueddu e gestu", e sa "Cumpagnia Is Mascareddas", in su 1980, "Confronti Teatrali", in su 1981, sos "Cada Die Teatro", su "Canovaccio-Isola Teatro" e su "Teatro Actores Alidos", in su 1982, "il Crogiuolo", in su 1983, "La Cooperativa La Maschera", in su 1985, su "Nuovo Teatro Studio", in su 1986, "Palazzo d'Inverno", "Studiodrama" e "Tragodia", in su 1987, sas cumpangias teatrales "Bocheteatro" e "Lapola", in su 1988, "Associazione Tersicorea" e "Origamundi", in su 1989, "L'Effimero Meraviglioso" e sas "Maschere Nere", in su 1991, sa "Cooperativa Sirio" e sa "Nuova Complesso Camerata" e su "Teatro del Sottosuolo", in su 1992, "Carpe Diem", in su 1994, "Compagnia Çaika", "Riverrun" e "Spazio Fornace", in su 1997. Pro gestire e torrare a ispàrghere su repertòriu teatrale natzionale a unu chirru, e regionale a s'àteru, naschent , a manera rispetiva, " Centro Diffusione Attività Culturali (CEDAC) " e in su 1983 su "Circuito pubblico per lo Spettacolo" de sa provìntzia de Casteddu. Dae ghennàrgiu de su 2004 est ativa sa "Fabbrica Illuminata con la Scuola per l'Arte dell'Attore" chi arrichit custu mundu teatrale giai mannu e diferente, assuprende a s'ausèntzia de istruturas de formatzione pro tècnicos de s'ispetàculu e pro atores.

In su 1993 ant fundadu sa "Compagnia Teatrale I Barbariciridicoli", sa cale, oe chi est oe, est sa cumpangia teatrale prus de importu in sa provìntzia de Nùgoro. Si dat de ite fàghere pro difùndere sa cultura teatrale populare, mescamente in sas zonas internas e in sas biddas piticas de Sardigna.

In Tàtari sa "Compagnia Teatro Sassari" e sa "Cooperativa Teatro e/o Musica ant inghitzadu s'atividade teatrale", ambas duas in su 1976; sunt istadas sighidas dae "la Botte e il Cilindro", "S'Arza", "Su Cherchu e S'Isciareu", totus in su 1978. A seguru, custas cooperativas e grupos teatrales, indanimados dae tando dae un'impignu sotziale e polìticu de atza e dura, in dies de oe galu arrichint sa cultura e sos teatros de Sardigna cun sas produtziones issoro. Cun impignu drammatùrgicu desempradu, in intro e in foras de s'ìsula, sunt una de sas realidades de prus importu e fundamentu in su cuntestu generale de sa cultura e in cuddu particulare de s'identidade e de su teatru.

Aggiornamento

11/5/2023 - 16:44