Sos autores noos de sa literadura sarda

In sos ùrtimos annos in Sardigna si sunt bidas brotende paritzas òperas literàrias, in particulare de gènere giallìsticu e noir. Custa produtzione at connotu una carchi nùmena fintzas in sa penìsola. Intre sos nùmenes prus nòdidos cherent ammentados cuddos de Marcello Fois, Giorgi Todde, Sarbadore Niffoi, Lutzianu Marrocu, Frantziscu Abate e Sergi Frau.
In sos ùrtimos annos in Sardigna si sunt bidas brotende paritzas òperas literàrias, in particulare de gènere giallìsticu e noir. Custa produtzione at connotu una carchi nùmena fintzas in sa penìsula.

Intre sos nùmenes prus nòdidos cheret ammentadu cuddu de Marcello Fois, iscritore nugoresu de nàschida chi oe nche bivet in Bologna. De ammentare su noir iscritu a printzìpios de carriera, est a nàrrere "Ferro recente" e sa filera fortunada de sos romanzos chi tenet comente protagonista s'abogadu-investigadore Bustianu, ispiradu a sa figura de Bustianu Satta. Giorgi Todde iscriet giallos ambientados in una realidade sarda pitica de s'Otighentos, o puru in una tzitade peleosa de sos tempos nostros.

Semper in sa narrativa de su gènere si podent annoditare Sarbadore Niffoi e Lutzianu Marrocu. Intre sos giallistas est faghende istrada finas su binchidore de s'ediztione 2000 de su prèmiu Calvinu, Flàviu Soriga. Frantziscu Abate, giornalista e dj, cun sos romanzos suos, nos nche mintet in sa vida fitiana, ue finas in sas istòrias chi nos parent simples e connòschidas b'at semper cosas de ischire.

Diferente meda est sa creze de s'òpera chi at iscunsertadu s'ambiente culturale sardu. Est su volùmene "Le colonne d'Ercole", libru chi at tentu fortuna manna in custos ùrtimos annos, ue Sergi Frau narat non solu chi sa Sardigna siat ligada a su mitu de Atlàntide (o mègius, a s'ìsula de Atlante, gasi comente la cramat isse) ma, pro more de una filera de intzidos intelletuales, aberit una inchiesta mera e sìnchera subra sa protostòria sarda.

Aggiornamento

11/5/2023 - 16:43