Corros e curcurigas

S'usàntzia artesanale de s'intàlliu, in Sardigna, pertocat fintzas a su mancu a duas fainas de significu, corros de cassa e curcurigas. Dae s'abbitu isparghinadu de s'intàlliu de sa linna s'isvilupant, difatis, àmbitos minores ma non prus pagu de interessu, che sos corrigales pro sa bùrvura. Custos sunt serrados in sas alas cun ortigru, linna o metallu, a s'ispissu pretziadu.
S'usàntzia artesanale de s'intàlliu, in Sardigna, pertocat fintzas a su mancu a duas fainas de significu, corros de cassa e curcurigas. Dae s'abbitu isparghinadu de s'intàlliu de sa linna s'isvilupant, difatis, àmbitos minores ma non prus pagu de interessu, che sos corrigales pro sa brùvura. Custos, serrados in sas alas cun ortigru, linna o metallu, a s'ispissu pretziadu, e cumpletadu cun un'aneddu pro apicare, presentant temas chi non semper pertocant a sa cassa, ma motivos sagrados pro bardare su chi lu portat dae sos perìgulos. Su traballu tutat totu sa superfìtzie, faghende•nde sa forma prus nòdida de intàlliu artesanale sardu, cun una libertade espressiva mantènnida, cun echilìbriu raru, intre una sìntesi arcaitzizante e bisòngios narrativos; sa calidade de s'abilesa manuale est afortiada dae sos colores serentes a su madreperla. Curcurigas intalliadas, impitadas che istèrgios de bufòngiu, sunt istadas produidas (oe subrabìvidas ma cun sinnos otènnidos cun su pirògrafu) acabende s'Otighentos fintzas a sos annos Chimbanta de su Noighentos, presentant mannàrias e ondraduras traballadas a fine e a manera rica. Non petzi èsitu de disaogu pastorale, sas curcurigas fiant intalliadas cun sa lepa e sos sugetos podiant èssere vàrios; sos prus singulares sunt cussos leados dae sa literadura chi sos sardos, in tempos de meschìngiu de libros e mescamente in presèntzia de anafalbetismu, imparaiant e tramandaiant a mente.

Aggiornamento

11/5/2023 - 16:43